Hoi zämme
Bi eusne Fründe nördlich vom Rhy het sich in verschiedene Regione die Tradition vo de Blacklandy-Serie-Stammtisch ibürgeret. Do cha me sich natürlich froge, wieso dass es das bi eus in dr Schwiz nid git? Wär doch sicher no glatt, sich ab und zue mit e paar Glychgsinnte usz’tusche.
Drum han ich mir dänkt, mir chönnte emol ä Versuech starte und eus am Frytig z‘Obe, 14. November 2014 in Reiden, LU, träffe. Alli wo Zyt und Lust hei, si härzlich willkomme. Mir, das si bis jetz dr ERACobra, dr christophe und ich, hei imene Restaurant abgmacht und wärde dört öbbis ässe und trinke und drzue natürlich echli fachsimple. Mir chönne denn au drüber diskutiere, öb und wenn jo wie oft und wo mir eus wyterhin wei träffe.
Wichtig isch mir eifach, dass das kei Konkurrenzverastaltig zum altigsässene LROS-Club söll wärde, sondern eifach es völlig freys, form- und zwangloses Zämmeträffe vo Serie-Agfrässene (I-IV). Wär cha, chunnt mit em Landy oder süscht halt mit em Landyschoner oder mit de ÖV. Und damit s‘reisetechnisch für alli no im Rahme blibt, söll dä Stammtisch in erster Linie dr Ruum Nordwestschwiz und s'Mittelland bis igangs Zentralschwiz abdecke. Sälbstverständlich si aber au Teilnähmer/inne vo wyter här willkomme;-)
Wär also Interesse het, schickt mir eifach bis am 12.11. ä PN, damit ich e passende Tisch cha reserviere und im Gegezug bechömet Dir vo mir die gnaue Koordinate.
Ich bi gspannt und freu mi scho uf ä interessante Obe:)
Vill Grüess
Tom
Kommentar